Litlesotra sanitetsforening vart stifta i 1896, og består i dag av 54 medlemmer. Blant tiltaka som vert framheva i juryens grunngjeving er utstrakt styrking av skulane i kommunen gjennom skulefrukost, bidrag til skuletur, klassesett, keramikkovn, og refleksvestar. Helsestasjonen på Sotra har fått tryggleiksalarmar, babyvekter og sengealarmar. I dag arrangerer Lillesotra sanitetsforening «blåturar» for eldre, både for heimebuande og dei som bur på institusjon. To gonger i veka arrangerast dametrim. Arbeidsstove for barn og barnetrim er andre tiltak i regi av sanitetsforeninga.
Overraska men glade
- Vi har mange merkesaker, og synest det er meiningsfylt arbeid vi gjer, seier styret i Litlesotra sanitetsforening til avisa
VestNytt. Sanitetsforeninga vart svært overraska over nyheita om at dei vart tildelt frivilligprisen for 2007, men takknemlege
og glade over heideren.
Prisen vart offisielt delt ut 9. desember.
